नेपालमा कुनै काम नै नभएको सेनालाइ राष्ट्रपतिको भ्रमणमा जुत्ता चप्पल उठाउन लगाइयो

राज परिवारको भ्रमण शैलीमा आफ्ना दुई छोरी सहित मन्दिर पुगेकी राष्ट्रपति भण्डारीले पुजा पछि मन्दिर परिसरमा प्रथम पटक हुन लागेको एक हजार आठ लक्ष्यचण्डी रुद्रमहायज्ञको मण्डप शिलान्यास समेत गरिन । आगामी चैत १६ गतेदेखि सो महायज्ञ सुरु हुने रुद्रमहायज्ञ समितिले जनाएको छ ।

मन्दिर परिसरमा आयोजित विशेष समारोहमा बोल्दै उनले दुई दशकदेखि मुलुकमा विद्यमान अस्थिरता, भेदभाव र द्वन्द्वले कसैलाई हित नहुने हुँदा त्यसलाई त्यागी सबैले विकासको बाटो अपनाउनु पर्ने बताइन । भने राष्ट्रपति विध्यादेवी भण्डारी र उसको दुई छोरी साथै राष्ट्रपति कार्यालयका कर्मचारीको जुत्ता चप्पल उठाउन सैनिक प्रयोग भएको समाचारले सामाजिक सञ्जाल तातेको छ ।

सप्तरीको छिन्नमस्ता स्थित प्रसिद्ध छिन्नमस्ता शक्तिपीठमा शनिबार विशेष पूजाआजा गर्न पुगेकी राष्ट्रपति सहित उहाँका परिवार तथा राष्ट्रपति कार्यलयका अन्य कर्मचारीको जुत्ता चप्पल सैनिकहरुले आफू भन्दा माथिल्लो दर्जाका सैनिक अधिकारीको आदेशमा उठाएका हुन । नेपाली सेनाको हेलिकोप्टरबाट बिहान १०:१५ बजे छिन्न मस्ता मन्दिर पुग्नु भएकी  राष्ट्रपति भण्डारी सहितको टीम पूजा गर्न सिधै मन्दिर पुगेको थियो । टोलीका सदस्यहरु जुत्ता चप्पल खोलेर भित्र छिरे पछि त्यहाँ सुरक्षार्थ खटिएका नेपाली सेनाका चार जुत्ता चप्पल उठाएका थिए ।
उनीहरुले जुत्ता चप्पल मन्दिरको प्रवेश द्वार देखि निकासद्वार सम्म बोकेर लगेका थिए । एक जना सेनाका अधिकारी पनि जुत्ता चप्पल मिलाउन व्यस्त थिए । उनीहरुलाई नेपाली सेनाको गाईघाट स्थित १८ नम्बर बाहिनीका बाहिनीपति सुवर्णबहादुर शाहले जुत्ता चप्पल उठाउन निर्देशन दिनु भएको थियो ।
बिना हतियार बर्दीमा नै रहेका सैनिकले जुत्ता चप्पल उठाएकाले उनीहरु जुत्ता चप्पल उठाउनकै लागि खटिएको हुन सक्ने प्रत्यक्षदर्शीले बताए । राष्ट्रपति, उहाँकी छोरी तथा राष्ट्रपति कार्यालयका कर्मचारीको जुता चप्पल उठाउन नेपाली सेनाको प्रयोग हुनुलाई मन्दिर परिसरमा रहेका कतिपय बुद्धिजिवीले देशबाट समाप्त भइसकेका राजा र राणाको  झझल्को पुन आएको भन्दै कटाक्ष गरेका छन । सार्वजनिक ठाउँमा त जुत्ता चप्पल बोक्न आदेश दिने सैनिक अधिकारीहरुले आफ्नो घरमा काम गर्न राखेका सैनिकलाई कति सम्मको तल्लो स्तरको काम लगाउँदा हुन भन्दै उनीहरुले आपसमा कुराकानी गरेका थिए । माथिल्लो दर्जाका सैनिक अधिकारीहरुले कार्यालय र ब्यारेकमा मात्र नभई आफ्नो घरमा पनि सेवा सुसारका लागि तल्लो दर्जाका सैनिकलाई प्रयोग गर्ने गरेका छन ।