नेपाली कथानक चलचित्र ‘पुरानो डुङ्गा’ 

नेपाली कथानक चलचित्र ‘पुरानो डुङ्गा’ को ट्रेलर हेर्नेको संख्या २४ घण्टा नपुग्दै एक लाख नागेको छ । बुधबार साँझ युट्युव च्यानलमा अपलोड गरिएको ट्रेलर बिहीबार दिउसो ५ बजेसम्म १ लाख २७ हजार भन्दा धेरै पटक सर्च गरेको पाइएको छ ।

तीन मिनेट १२ सेकेन्ड लामो ट्रेलरमा दयाहाङ राई, प्रियंका कार्की, मेनुका प्रधान, माओत्से गुरुङलगायतका कलाकार मुख्य भूमिकामा देखिएका छन ।    

ट्रेलरमा (बतासे) दयाहाङ राई र भक्ते (माओत्से गुरुङ) ले पुख्र्यौली सम्पत्ती डुङगाका लागि गरेको झगडा देखाइएको छ । 

‘पुरानो डुङ्गा’ लाई ‘कब्बडी’ र ‘कब्बडी कब्बडी’ जस्ता सफल चलचित्र निर्देशन गरिसकेका रामबाबु गुरुङले निर्देशन गरेका छन् । “चलचित्र डुङगाको कथामा आधारित छ,’ निर्देशक गुरुङले भने, “शहरी जीवनबाट प्रभावित भएको बतासे र पुरानै संस्कार र संस्कृतिलाई अंगाल्ने दाईबीचको कथा नै चलचित्रको मुख्य कथानक हो ।” 

डार्क कमेडीमा आफ्नो एकल वर्चस्व कायम गरेका गुरुङको ‘पुरानो डुङ्गा’ यो वर्षको  बहुप्रतिक्षित सिनेमा हो । ‘पुरानो डुङ्गा’को गीत ‘निर जहिले रिसाउने...’ लोकप्रिय भइसकेको छ । 

चलचित्र ‘पुरानो डुङ्गा’ ले मंसिर १० गतेका लागि रिलिज डेट लिएको छ ।