लोकमानसंग नसकिने भइयो

सर्वोच्च अदालतले लोकमानसिंह कार्कीको घरमा म्याद टाँस्ने प्रयास अझै सफल हुन सकेको छैन । दसै अघि सम्बन्धित वडा कार्यालयले असहयोग गरेको र तामिलदार नै बेपत्ता भएपछि म्याद टाँस्ने काम हुन सकेन । दसैँपछि सोमबार म्याद टाँस्न गएका सर्वोच्चका कर्मचारीलाई कार्कीका ज्वाइँ समेतका केही व्यक्तिे अवरोध गरे । म्याद बुझ्न र घरमा टाँस्न अस्वीकार गर्ने कार्की तथा जसरी पनि म्याद टाँस्न नखोज्ने सर्वोच्च प्रशासनप्रति धेरैले आलोचना गरेका छन् । त्यति मात्र होइन, म्याद टाँस्नको लागि सहयोग नगर्ने दलहरु पनि आलोचित भएका छन

 

फेसबुक र ट्वीटरमा आएका केही टिप्पणी र प्रतिक्रिया हेरौं :

sarswati subba ‏@SarswatiSubba  अलिकति पनि नैतिकता छ भने लाेकमान जहाँ छन्, घाेषणा गरुन्- 'म्याद जारी भएकाे मिडियाबाट थाहा पाएँ, म फलाना दिन हाजिर हुन्छु ।' छ नैतिकता ?

Balaram baniya ‏ कार्की एन्ड कम्पनीले म्याद तामेली गर्न नदिने हरकत गर्दा उनलाई नियुक्त गर्ने तीन दलका नेतालाई लाज ।

Sudeep Shrestha ‏@sudeepshree  श्रीमान्, तामेलदारलाई हैन, जनतालाई जिम्मा लगाउनुस्, लोकमानको घर वा अफिसमाम्याद टाँस्ने मात्र हैन, लोकमानलाई नै सर्वोच्चमा खडा गराइदिन्छम् ।

Khagendra Sangroula ‏@belakoboli  लाेकमानलाई जसले राजा बनाए म्याद टाँस्ने तिनका घरमा हाे । अर्थात् केपी,देउबा,पीके,बाबुरामका घरमा। गायब लाेकमानलाई खाेज्ने त महेन्द्रपथमा हाे ।

Budhi Karki ‏@BudhiKarki  सूचनाप्रविधी आदिमा यत्रो विकास भैसक्दा म्याद तामेलीलाइ संशोधन मार्फत आधुनिकिकरण गर्न सकिदैन?अफिसियल इमेलमा पठाइदिने । वेबसाइटमा प्रकाशन गर्ने ?