स्थानिय तहको नया संख्या ७४४ हुने

स्थानीय तह पुनःसंरचना आयोगले स्थानीय तहको नयाँ संख्या ७ सय ४४ तोकेको छ । पछिल्लो समय दलहरुबीच भएको सहमति अनुसार आयोगले नयाँ संख्या निर्धारण गरेको हो । यसअघि आयोगले ५ सय ६५ वटा स्थानीय तहको संख्या तोकेको थियो । नयाँ कार्यविधिमा आयोगले न्यूनतम ५ सय ७ र अधिकतम ७ सय ४४ संख्या तोकिएको छ । त्यस्तै जिल्लाको हकमा पनि न्यूनतम र अधिकतम संख्या तोकिएको छ । जिल्लास्थित प्राविधिक समितिहरुले त्यसमा छलफल गरी स्थानीय तहको संख्या आयोगलाई सिफारिस गर्नेछ ।

आयोगले पुनःसंरचनाका लागि तय गरेको नयाँ मापदण्डमा गाउँपालिकाका लागि हिमालमा १३, पहाडमा २२, भित्री मधेसको पहाडी क्षेत्रमा २२, भित्री मधेसकै समथर भू–भाग र तराईका जिल्लामा ४० हजार जनसंख्या हुनुपर्ने उल्लेख छ ।

त्यस्तै, नगरपालिकाका लागि हिमालमा १७, पहाडमा ३१, भित्री मधेसको पहाडी क्षेत्रमा ३१, भित्री मधेसकै समथर क्षेत्रमा ६० र तराईका जिल्लामा ६० हजार जनसंख्या हुनुपर्नेछ । आयोगले समितिहरुलाई कात्तिक २० गतेभित्र प्रतिवेदन पठाउन भनेको छ ।