Pulsar RS200 को मुल्य रु ३,९९,९९९ मात्र

बजाजको पल्सर आरएस २०० नेपाली बजारमा आइसकेको छ । बजाजको पल्सर बाईक उसै पनि नेपालमा सबै भन्दा बढी मन पराइने बाइकमा पर्छ । भारतमा निर्माण हुने यो बाइकको भारतीय बजारमै समेत उति हल्लाखल्ला नहुने भए पनि नेपालमा भने यसको लोकप्रियता घटेको छैन, युवा पिढी बीच यो अति नै लोकप्रिय छ ।

पल्सरको यो भर्सन अघिल्लो पल्सर २०० एनएसमा केही सुधार गरेर ल्याइएको झै देखिन्छ । यसको इन्जिन पनि एनएसको जस्तै देखिन्छ तर यसको ‘हेड’मा केही परिवर्तन गरिएको छ । यसको फ्युल इन्जेक्सनमा समेत सुधार गरिएको देखिन्छ । यसको पावर रेटिङमा अघिल्लोमा भन्दा एक हर्सपावर बढाइएको छ । यसको थ्रोट रेस्पोन्स क्लियर छ जुन अघिल्लो बाईक भन्दा केही गरहुंगो यो बाईकमा आवश्यक नै थियो ।

२०० एनएसको तुलनामा यो बाईक अवश्य पनि राम्रो छ । यसमा बस्न सहज छ, जुन एनएसमा उति थिएन । सिटको प्याड राम्रो छ । स्पोर्टी बाइक भनिए पनि यसमा त्यस्तो खासै महशुस हुन्न । यसको चेसिस धेरै नै सन्तुलीत छ । पल्सरका अरू बाईकहरू घच्चापच्चा सहने पहाडी बाईकहरूका लागि एकदमै उपयुक्त मान्ने गरिए पनि यो बाइक चाही शहर बजारमा र नियमित सडकहरूका लागि बढी उचित हुने देखिन्छ । यो बाईकमा सबै भन्दा बेसी स्पिड १४० किमि प्रतिघण्टा उचित हुन्छ । यसको स्टेरिङ एकदमै छिटो प्रतिक्रिया दिने खालको छ । र यसमा प्रयोग भएको एमआरएफ टायर वास्तवमै लचकदार छन ।

यसमा अहिले दुई खालका ब्रेकहरू उपलब्ध छन : एबीएसवाला र एबीएस बिनाको । एबीएसको प्रयोगचाही आकस्मिक अवस्थामा बढी उचित हुनसक्छ । सामान्य अवस्थामा यो बाईकले शहर बजारमा कुदाउँदा त्यस्तै ३० किलोमिटर प्रतिलिटर माइलेज दिने सम्भावना छ । यामाहाको आर १५, होन्डा सिबिआर १५० आर र केटिएम आरसी २०० को प्रतिक्रियामा आएको यो बाईक उल्लेख गरिएहरू भन्दा यद्धपी अली ठुलो छ ।



हिरोको एक्स्ट्रिम र करिज्माको समेत झझल्को पाइन्छ यो बाइकमा । यसको डिजाइन हेर्दा यो कलेज ‘गोअर’हरूका लागि बनाइएकोझै लाग्छ । नेपाली बजारमा यसको मूल्य ३ लाख ९९ हजार ९ सय रहेको छ । अहिले उत्सव उफरमा स्क्र्याच गर्दा ६ हजार घट्ने निश्चित भएकाले यसको मूल्य ३ लाख ९३ हजार ९सय ९९ हुन आउँछ ।