अन्धबिश्वास र कुरितिले नासिदै गएको हिन्दुहरुको सम्मेलन धर्मनिरपेक्ष राष्ट्र नेपालमा हुदै

हिन्दुस्तान भारतको मौलिक धर्म हिन्दु धर्ममा आस्था राख्नेहरुको संगठन विश्व हिन्दु महासंघ अन्तर्राष्ट्रिय समितिले काठमाण्डौमा अन्तर्राष्ट्रिय हिन्दु सम्मेलन गर्दैछ । हिन्दुहरुको स्थान हिन्दुस्तान (भारत) मा नगरेर नेपालमा गरिन लागेको यो सम्मेलन काठमाण्डौको वनकालीमा हुने र भगवान बिष्णुको दशौ अवतार मानिएका पूर्वराजा ज्ञानेन्द्र शाहले उद्घाटन गर्दैछन ।

सम्मेलनमा थाइल्याण्ड, अमेरिका, मलेसिया, भारत, बंगलादेश, श्रीलंका, पाकिस्तान, इन्डोनेसिया क्यानडा, बेलायत लगायत देशका प्रतिनिधि सहभागी हुने र उनीहरु काठमाण्डौमा आइसकेको समितिले हिजो नै जनाएको छ ।
यस्तै शिख, जैन, बुद्ध धर्म लगायत स्रम्प्रदायका गुरुहरु पनि सम्मेलनमा उपस्थित हुनेछन । सम्मेलनले अन्धबिश्वास अनि कुरितीको कारण बिश्वबाट मासिदै गएको हिन्दु धर्म, हिन्दु धर्म भित्रको जाती प्रथा, हिन्दु धर्ममा देखिएका विकृति, संविधानमा धर्म निरपेक्षता लगायतका विषयमा छलफल गर्ने आयोजक विश्व हिन्दु महासंघ अन्तर्राष्ट्रिय समितिले जनाएको छ ।