संविधान संशोधनका लागि कांग्रेस तयार छः

रामचन्द्र पौडेल

नेपाली कांग्रेसका वरिष्ठ नेता रामचन्द्र पौडेलले सबै पक्षको सहमतिमा संविधानमा रहेका कमजोरीलाई संशोधन गर्दै असन्तुष्टका माग संवोधन गर्नुपर्ने बताएका छन ।
सीमांकन, नागरिकता, समावेशिता जस्ता विषयमा नेपाली कांग्रेसको अगुवाईमा समाधान खोज्नु पर्नेमा जोड दिदै संविधानत समावेशीताको कार्यान्वयन जरुरी रहेको नेता पौडेलले बताए ।

तराई मधेसको समस्याको समाधान कसरी हुन सक्छ भन्ने सन्दर्भमा विभिन्न पेशा, व्यवसायमा आवद्ध विज्ञहरुसँग मंगलबार राजधानीमा भएको छलफलमा नेता पौडेलले मुलुकले अहिले प्राप्त गरेको उपलब्धिलाई रक्षा गर्दै सहमति हुन बाँकी रहेका विषयलाई टुङ्गोमा पुर्याउन तराई मधेसको मागका बारेमा सबै पक्ष लचिलो हुनुपर्नेमा जोड दिए ।
उनले २०७४ माघ ७ गते सम्म स्थानीय, प्रादेशीक र संघीय निर्वाचन हुनुपर्ने बताए । नेता पौडेलले राजनीतिलाई सम्मानित र मर्यादित तुल्याउन सम्बद्ध सबैको क्रियाशील सहभागिता प्रमुख आवश्यकता रहेको बताए ।