म रहे भने बिरोधीहरु कसैलाइ पनि छोडदिन:

लोकमानसिंह कार्की 

एमाले र माओवादी केन्द्रका केही सांसदहरुले संसदमा लोकमानको विरुद्धमा महाअभियोगको प्रस्ताव ल्याए पछि यसले एक प्रकारको सनसनी फैलाएको छ ।
सरकारी कर्मचारी र नेता लोकमानको विरुद्धमा खुलेर कुरा गर्न डराईरहेका छन । कतै लोकमानले प्रतिशोध साँध्ने हो कि भन्ने चिन्ता छ । अख्तियार दुरुपयोग कसरी रोक्ने भन्ने तर्फ लोकमानको ध्यान गएन । लोकमानले केवल आफ्नो विपक्षमा उभिने प्रति प्रतिशोधको भावना राखे । जसको जल्दो बल्दो उदाहरण हो कनकमणि दिक्षित तथा शम्भु थापाहरु वा ज्योती बानिया जस्ता व्याक्ति ।

जसले लोकमानको नियुक्ति प्रति असन्तुष्टी जनाएका थिए । जो लोकमानको विपक्षमा उभिए । लोकमान उनीहरुलाई नै सिध्याउन तर्फ लागे । अनि त्यस्ता कर्मचारीको पछि हात धोएर लागे जसले लोकमानको आदेशको पालना गरेनन । उनीहरु लोकमानको परिभाषाको भ्रष्टाचारी थिए । त्यसैले त लोकमानले त्यस्ता कर्मचारीको पछाडि आयोगकै जासुसी लगाएर गलत काम गर्न दबाब दिइरहे । १३ पाने भराएर कर्मचारी तन्त्रको लगाम खिचिरहे ।

कर्मचारी तन्त्रमा लोकमानको दादागिरी

‘अख्तियारको काम माथिल्लो तह वा मन्त्री र प्रधानमन्त्रीको तहलाई ठीक पार्नु हो, अहिले जस्तो पिउन देखि माथिल्लो तह सम्म अख्तियारले हेर्ने भनेको असम्भव कुरा हो’ समाज शास्त्री प्रा.चैतन्य मिश्रले एक पत्रिकाको अन्तर्वार्तामा भन्नु भएको छ । अख्तियार प्रमुख भएर आफैंले अख्तियार दुरुपयोग गरी प्रतिशोधात्मक कारबाही गर्नु नै लोकमान महाअभियोगको प्रक्रियामा जानु रहेको उहाँको बुझाई छ ।
२०६२/६३ को जनआन्दोलन ताका कार्की तत्कालिन श्री ५ को सरकारका मुख्य सचिव थिए । कर्मचारीले समेत जनआन्दोलनको पक्षमा आवाज उठाउन थाले पछि कर्मचारीलाई कारबाही गर्ने चेतावनी कार्कीले दिएका थिए । जनआन्दोलन सफल भए पछि कार्कीलाई कारबाही स्वरुप मुख्य सचिवबाट हटाइएको थियो । जनआन्दोलन दबाउन कार्कीले मुख्य भूमिका खेलेका थिए ।
रायमाझी आयोगले पनि जनआन्दोलन दबाउन मुख्य भूमिका खेलेको भनेर लोकमानलाई दोषी ठहरयाई सकेको थियो । रायमाझी आयोगले दोषी करार गरेको व्यक्तिलाई खिलाराज रेग्मीको सरकारले पुरस्कार स्वरुप कार्कीलाई अख्तियारको ताला चाबी बुझायो ।
अख्तियार आएपछि कार्कीले जनआन्दोलनको समयमा आफू विरुद्ध लागेका कर्मचारी खोजी खोजी प्रतिशोध कै कारण अख्तियारको दायरामा ल्याउन थालेको कर्मचारीहरु बताउँछन । त्यस समयमा कर्मचारी तन्त्रबाट जनआन्दोलनको नेतृत्व गरेका कर्मचारी युनियनका सभापति भवानी थनी र तीर्थ खनाललाई आफू अख्तियार आएकै वर्ष अख्तियारमा बोलाएर १३ पाने भर्न लगाएका थिए ।
अख्तियारमा बोलाउनु पर्ने तत्काल कारण नभएकालाई विभिन्न बहानामा अर्थात बैठकमा उपस्थित भएर हस्ताक्षर गरेको भरमा पनि मुद्दा चलाएको जानकारहरु बताउँछन ।
लोकमानलाई अख्तियार प्रमुखका लागि सिफारिस गरिए पछि नियुक्ति नगर्न राष्ट्रिपति रामवरण यादव समक्ष पुगेका केही नेता, कर्मचारी तथा नागरिक समाजका अगुवालाई पनि विभिन्न बहानामा मुद्दा दर्ता गराए लोकमानले ।
राष्ट्रपति समक्ष लोकमानलाई अख्तियारको प्रमुख नबनाउन निवेदन गर्न गएका मध्ये एक कनकमणि दीक्षितलाई साझा बसमा भ्रष्टाचार गरेको तथा अकुत सम्पती रहेको भनेर अख्तियारमा तानियो । यो पनि प्रतिशोधकै एक उदाहरण हो ।
कार्कीको अख्तियार प्रमुखको नियुक्तिको निर्णय विरुद्ध सुरुदेखि नै असन्तुष्ट रहेका बरिष्ठ अधिवक्ता शम्भु थापा पनि कार्कीको निशानामा परे । थापासँग प्रतिशोधकै लागि कार्कीले सम्पती शुद्धीकरण विभाग मार्फत थापाको ल फर्ममा छापा मार्न लगाएको थियो ।
कार्कीको अख्तियारीमा परेका अर्का व्यक्ति हुन उपभोक्ता हित संरक्षण मञ्चका अध्यक्ष ज्योति बानियाँ ।  अधिवक्ता समेत रहेका बानियाँ किष्ट मेडिकल कलेजका कानुनी सल्लाहकार थिए । यो बानियाँ मुद्दा चलाउने गतिलो आधार बनायो अख्तियार प्रमुखले । बानियाँ किष्ट मेडिकल कलेजमा गलत सल्लाह दिएर प्रतिवेदन बनाएको भन्दै उ माथि पनि अख्तियारले मुद्दा चलायो । यो केवल कार्कीसँग सहकार्य नगरेको प्रतिशोध थियो ।
आफूसँग सहकार्य नगर्ने कर्मचारी तथा नेता प्रति कार्की हमेशा असहिष्णु रहे । अख्तियारको आडमा टंगालबाट शासन सत्ता चलाई रहे ।
आफूले भनेको नमान्ने कर्मचारीलाई १३ पाने भराउने र त्यही १३ पानेको धम्की दिएर कर्मचारीको सेटिङ्ग मिलाउने गरेका थिए । अहिलेका मुख्य सचिव सोमनाथ सुवेदीलाई पनि १३ पाने भर्न लगाएका थिए । यसै कारण सर्वोच्च अदालत कार्कीको प्रमाणपत्र माग्दा हरायो भन्न नेपाल सरकारको मुख्य सचिव बाध्य हुन परेको जानकारहरु बताउँछन ।
 

कार्कीको आडमा आसेपासेको रवैया

कार्की अख्तियार प्रमुख हुँदा उनका नजिककाले पनि फाईदा लिए । कार्कीकै आडमा आफ्ना सहकर्मीलाई धम्क्याउने कर्मचारीले दुःख दिने नियत अख्तियारमा मुद्दा हाल्ने गरेको साझा औषधी लिमिटेडका एक पूर्व कर्मचारीले बताए । ‘एकै विषय वा एक पटक सफाई पाई सकेको विषयमा पटक पटक अख्तियारमा मुद्दा हालेर दुःख दिने नियत राखेका कतिपयले आफ्नो मान्छे भएको भन्दै धम्क्याउँथे ।’ उनले भने ।
कार्कीले राम्रो मान्छेलाई दण्ड र हाम्रो मान्छेलाई पुरस्कृत गरेको सरकारी कार्यालयका एक कर्मचारीको गुनासो छ । उनले आफ्ना मान्छेले गरेको गलत कामलाई पनि आँचा चिम्ले भने कतिपय राम्रै काम गरेकालाई पनि अख्तियारको दायरामा ल्याए ।
अख्तियारकै सास्तीका कारण कतिपय विकासका कामहरु रोकिएको ती कर्मचारीको भनाई थियो । ‘आफ्नो प्रतिष्ठालाई दाउमा राखेर काम गर्न सक्ने अवस्था छैन’ उनले भने ‘काम गर्न अख्तियारले भाँजो हाल्छ , तपाईं नै भन्नुस यस्तो अवस्थामा हामी कर्मचारीले कसरी काम गर्न सक्छौं ?’
अख्तियारको काम अख्तियार दुरुपयोग भएको छ छैन चेक जाँच गर्ने हो, विकास निर्माणको काममा अवरोध खडा गर्ने होइन । अख्तियार प्रमुख लोकमान कार्कीले आफ्ना चिनजान, आसपासे र आफ्नो निर्देशन मान्ने तथा आफ्नो विश्वास पात्रको मुद्दालाई अहिले सम्म आँखा चिम्लिदिए । उनीहरुलाई भ्रष्टाचार गर्न वैधानिकता पाए जति कै भए ।
त्यसैले त अहिले पनि उनैका आसेपासेले महाअभियोग प्रस्ताव ल्याउने देखि लोकमान विरुद्ध लेख्ने पत्रकार सम्मलाई धम्क्याउन उद्धत छन ।
महाअभियोग प्रस्ताव केवल एक लोकमानलाई मात्र लगाएर पुग्दैन । लोकमान प्रवृत्तिका अन्य लोकमानलाई समेत लगाउनुपर्छ । यो व्यक्ति माथिको विरोध होइन, खराब आचरण र कार्यशैलीको विरोध हो । तर अब लोकमान बचे भने प्रतिशोधको भावनामा को अनि क कस्लाइ कार्बाही गर्ने हुन भबिष्यले नै बताउने छ ।
साभार💑