• आफुलाइ धर्मगुरु भनी चिनाउने राधे माँले जुत्ता लगाएर गरिन गंगा आरती गीत

 भगवती दुर्गाको अवतार घोषणा गर्ने राधे माँ बारम्बार विवादमा आइरहन्छन ।

• हालसालै भने उनले हरिद्वारको प्रसिद्ध हर की पौडीमा जुत्ता लगाएर गंगा आरती गरेको पाइयो ।

उनको यो धृष्टताका कारण पुजारीहरू उनको विरोधमा उत्रेका छन ।

गत आइतवार राधे माँले यसरी आरती गरेकी थिइन । त्यतिबेला प्लास्टिकमा दूध लगेर उनले गंगामा चढाएकी पनि थिइन ।

उनका भक्तहरूले उनको बचाउ गर्दै कपडाको जुत्ता लगाएको बताए । तर शरद पूर्णिमाको राति साढे दुई बजे उनले गंगास्नान मात्र गरिनन्, गंगा आरती पनि गरिन ।

ब्रह्ममुहूर्त नलागिकन नदी तथा सरोवरमा स्नान गर्न धर्मशास्त्रले रोक लगाएको छ ।

देवताहरू समेत सुत्ने समयमा राधे माँले आरती गरेर नियम उल्लंघन गरेको पण्डितहरूले आरोप लगाए । यस अपराधमा राधे माँले क्षमा माग्नुपर्ने उनीहरू बताउँछन ।

युवा गंगा तीर्थ पुरोहित सभाका उज्ज्वल पण्डितले राधे माँले त्यति राति देवताहरू सुत्ने बेलामा आफ्ना शिष्यहरूका साथ बलिउडका अश्लील गीत चर्को स्वरमा बजाएर नाचेको आरोप लगाए ।