नेकपा एमालेले भोट फकाउन एन जि ओ / आइ एन जि ओ प्रयोग गरेर उदयपुरमा खसी वितरण गर्दै

नेकपा एमाले द्वारा उदयपुरमा सञ्चालन गरिएको गैरसरकारी संस्था एनजिओ र आइएनजिओ हरुले व्यापक रुपमा निर्वाचन अचारसंहिता उल्लंघन गरिरहेका छन । १६ फागुनबाट देशव्यापी रुपमा निर्वाचन आयोगले जारी गरेको निर्वाचन आचारसंहिता उदयपुरका गैरसरकारी संस्थालाई लागेको छैन ।

जिल्लामा दर्ता भएका एनजिओका मालिक नै नेकपा एमाले बाट निर्वाचनको लागि उम्मेदवारी हुने पक्का पक्की भए पछि निर्वाचन आचारसंहिता विपरीत खसी बाडी रहेका छन । एमालेले आफ्ना दलका नेता कार्यकर्तालाई बोलाएर होटलमा पार्टी तथा भोजको आयोजना समेत गर्ने गरेका छन । ‘एनजिओका कार्यकारी प्रमुखहरु कोही वडा अध्यक्ष, कोही उपमेयरको उम्मेवारी हुने भए पछि होटलबुक हुन थालेको छ,’ नाम नखुलाउने सर्तमा एक होटल व्यवसायीले भने, ‘बेलुकी पख उनीहरुकै लागि गाईघाटका विभिन्न होटलहरु बुक हुन थालेका छन ।’