💑: November 2016

Sunday, November 13, 2016

नौ वर्ष अघि प्रचण्ड, बाबुराम, वैध्य विप्लब सहित माओबादी नेताहरुको सम्पति कति थियो?

हेर्नुस उनीहरुले सार्वजनिक गरेको विवरण

नौ वर्षअघि तत्कालीन माओवादी पार्टीको पाँचौ विस्तारित बैठकको निर्णय सार्वजनिक गर्न पत्रकार सम्मेलन गरिएको थियो । त्यसमा केन्द्रीय पदाधिकारीहरूको सम्पति विवरण पहिलो पटक सार्वजनिक गरियो ।

नौ वर्ष पछि अहिले प्रचण्ड, बाबुराम, मोहन वैध्य र नेत्रविक्रम चन्द विप्लव छुट्टाछुट्टै चार टुक्रामा विभाजित छन । सम्पति चाहिँ के कति छ अहिले- न प्रधानमन्त्री भएका प्रचण्ड सार्वजनिक गर्छन, न नयाँ शक्ति र आर्थिक पारदर्शिता भन्दै कुर्लँदै हिँड्ने बाबुराम भट्टराई गर्छन । न मोहन वैध्य गर्छन न बेला न कुबेला (हिजोसमेत) नेपाल बन्द गर्दै हिँड्ने विप्लव नै गर्छन । तैपनि त्यति बेलाको सम्पति विवरण पढ्न रोचक नै हुन्छ भनेर यहाँ साभार गरी इतिहास सम्झाउने कोशिश गरिएको हो- ‘यति हाँस’ भनिएको हैन है ।

१ प्रचण्ड (वर्तमान प्रधानमन्त्री)

नगद: छैन
सुन/चाँदी: दुई तोला सुन
जग्गा जमिन: भरतपुर चितवनमा श्रीमती सहितको नाममा रू.तीन/चार लाख पर्ने एक कट्ठा/सातधुर घर घडेरी

२ मोहन वैध्य ‘किरण’

नगद: रू. एक लाख २८ हजार
सुन/चाँदी: सुनको गहना मूल्य रू.१५ हजार जतिको
जग्गाजमिन: रू.७० हजार पर्ने घरघडेरी, जग्गा एककट्ठा पाँच धुर

३ डा.बाबुराम भट्टराई ‘लालध्वज’

नगद: छैन
सुन/चाँदी: छैन
जग्गाजमिन: छोरीको अंशवापत गोरखामा तीन लाख बराबरको साढे सात रोपनी खेत

४ रामबहादुर थापा ‘बादल’

नगद: छैन
सुन/चाँदी: साढे एकतोला सुन
जग्गाजमिन: रू.आठ/दश लाखपर्ने दुई कट्ठा

५ पोस्टबहादुर बोगटी ‘दिवाकर’

नगद: छैन
सुन/चाँदी: करिब रू.१० हजार बराबरको सुनचाँदी
जग्गाजमिन: अन्दाजी रू.२० हजार बराबरको पुरानो एकतल्ले घर, जग्गा जमिनमा रू.एक लाख बराबरको एक रोपनी दोयम र रू.एक लाख बराबरको खेत पाखो, रू.तीन हजार बराबरको सरसामान

६ कृष्णबहादुर महरा ‘अमरसिंह’ (वर्तमान अर्थमन्त्री)

नगद: मासिक पारिश्रमिक बाहेक छैन
सुन/चाँदी: छैन
जग्गाजमिन: जग्गासहितको घरबाहेक अतिरिक्त घरघडेरी नभएको, अन्दाजी तीन लाख मूल्य बराबरको प्रयोजनविहीन एक घर र एक गोठ, व्यक्तिगत प्रयोगमा भइरहेको वाहेक अतिरिक्त सामान नभएको

७ चन्द्रप्रकाश गजुरेल ‘गौरव’

नगद: छैन
सुन/चाँदी: एकतोला सुन
जग्गाजमिन: जग्गासहितको करिब सात लाख २५ हजार बराबरको सिन्धुली ढुङ्गेवास, विराटनगर घर खयरमारा, सिन्धुलीमा घडेरी, रू.एकलाख २० हजार बराबरको दश कट्ठा जग्गा,
ऋणः रू.तीन लाख ५० हजार

८. नाम – देवप्रसाद गुरुङ

टेक नाम – कान्छा बहादुर
नगद – उल्लेखनिय रकम नभएको
घर घँडेरी- (अन्दाजी मूल्यसहित) – मनाङ ओडार गाउँमा सङ्गोलमा एउटा कच्ची घर रहेको तर २०५७ सालदेखि आफ्नो अंश पार्टीकरण
जग्गा (अन्दाजी मूल्यसहित) – अन्दाजी ५० रोपनी पाखोबारी संगोलमा रहेको, अन्दाजी मूल्य ५० हजार तर २०५७ सालदेखि पार्टीकरण
सामान र लजिष्टिकहरुको अन्दाजी मूल्य -भाँडाकुँडाहरुको अन्दाजी मूल्य १० हजार
सुन चाँदी र गहनाको (अन्दाजी मूल्य) – छैन

९. नाम – वर्षमान पुन

टेक नाम – अनन्त
नगद – सामान्य वचत रहेको
घर घँडेरी- (अन्दाजी मूल्यसहित) – चार वटा घर -३ लाख ५० हजार)
जग्गा (अन्दाजी मूल्यसहित) – २५ लाख
सामान र लजिष्टिकहरुको अन्दाजी मूल्य – छैन
सुन चाँदी र गहनाको (अन्दाजी मूल्य) – तीन जना -श्रीमती र दुई वहिनी) को गहना पार्टीमा बुझाएको

१०. नाम – टोप ब. रायमाझी

टेक नाम – अनिल
नगद – छैन
घर घँडेरी- (अन्दाजी मूल्यसहित) – १० लाख
जग्गा (अन्दाजी मूल्यसहित) – छैन
सामान र लजिष्टिकहरुको अन्दाजी मूल्य -छैन
सुन चाँदी र गहनाको (अन्दाजी मूल्य) – छैन

११. नाम – नेत्र चन्द

टेक नाम – विप्लव
नगद – छैन
घर घँडेरी- (अन्दाजी मूल्यसहित) – १० कठ्ठा राम्रो खालको खेत
जग्गा (अन्दाजी मूल्यसहित) – २ लाख ५० हजार
सामान र लजिष्टिकहरुको अन्दाजी मूल्य – १५ हजार
सुन चाँदी र गहनाको (अन्दाजी मूल्य) – छैन

१२. नाम – दिनानाथ शर्मा

टेक नाम – अशोक
नगद – छैन
घर घँडेरी- (अन्दाजी मूल्यसहित) – घर एक (अन्दाजी ७५ हजार)
जग्गा (अन्दाजी मूल्यसहित) – पाखोबारी, खेत अन्दाजी २ लाख
सामान र लजिष्टिकहरुको अन्दाजी मूल्य – छैन
सुन चाँदी र गहनाको (अन्दाजी मूल्य) – अन्दाजी १ तोला

१३. नाम – हरीबोल गजुरेल

टेक नाम – शितलकुमार
नगद – छैन
घर घँडेरी- (अन्दाजी मूल्यसहित) – २ वटा घर, ३ कठ्ठा घँडेरी (अन्दाजी १० लाख)
जग्गा (अन्दाजी मूल्यसहित) – १ विघा ३ कठ्ठा -मूल्य अन्दाजी १० लाख)
सामान र लजिष्टिकहरुको अन्दाजी मूल्य – ५० हजार
सुन चाँदी र गहनाको (अन्दाजी मूल्य) – ५ तोला

१४. नाम – अग्नि सापकोटा

टेक नाम – कञ्चन
नगद – छैन
घर घँडेरी- (अन्दाजी मूल्यसहित) – २ लाख
जग्गा (अन्दाजी मूल्यसहित) – २३ लाख
सामान र लजिष्टिकहरुको अन्दाजी मूल्य – ५ हजार
सुन चाँदी र गहनाको (अन्दाजी मूल्य) – छैन
नोट – २०५८ सालदेखि घर जग्गा सबै पार्टीकरण र स्थानीय पार्टीले नै भोगचलन गर्दै आएको

१५. नाम – हितमान शाक्य

टेक नाम – सुमन
नगद – १ लाख -स्कूल छोड्दा प्राप्त रकम)
घर घँडेरी- (अन्दाजी मूल्यसहित) – डेड आना जमीनमा चारकोठे घर -बाग्लुङमा) करिब ४ लाख, काठमाडौं मत्स्य गाउँमा स्कूलको साझ जग्गा
जग्गा (अन्दाजी मूल्यसहित) – पहिले स्कूलसँग सम्बन्धित हुँदा/ अहिले स्कूलको जग्गा मात्र साझा (अन्दाजी ४ लाख)
सामान र लजिष्टिकहरुको अन्दाजी मूल्य – व्यत्ति-गत सम्पत्ति अन्य केही नरहेको । पार्टी सम्पत्तिमा एक गाडी, डेस्कटप र ल्यापटप कम्प्युटर, टीभी, खाना पकाउने भाँडा आदि ।
सुन चाँदी र गहनाको (अन्दाजी मूल्य) – केही नभएको ।

१६. नाम – हरिभत्त- कँडेल

टेक नाम – प्रतिक
नगद – छैन
घर घँडेरी- (अन्दाजी मूल्यसहित) – २ लाख
जग्गा (अन्दाजी मूल्यसहित) – छैन
सामान र लजिष्टिकहरुको अन्दाजी मूल्य -छैन
सुन चाँदी र गहनाको (अन्दाजी मूल्य) – छैन
अन्य – घर घँडेरी धितो बैकमा १ लाख १५ हजार लिएको र २ लाख ९० हजार विभिन्न व्यत्तिबाट ऋण लिएको -जम्मा ४ लाख ५० हजार ऋण)

१७. नाम – नन्दकिशोर पुन (वर्तमान उपराष्ट्रपति)

टेक नाम – पासाङ
नगद – ८/१० हजार -भैंसी बाख्रा बेचेको)
घर घँडेरी- (अन्दाजी मूल्यसहित) – घर ५० हजार -स्थानिय मूल्यमा, २ भाईको वण्डाबाट)
जग्गा (अन्दाजी मूल्यसहित) – जग्गा र खेत अन्दाजी ६०/७० हजार, सुन्तला बारीको स्थानीय मूल्यसहित
सामान र लजिष्टिकहरुको अन्दाजी मूल्य – कासा, तामा, प-लामको भाँडा, लत्ताकपडा ८/१० हजार
सुन चाँदी र गहनाको (अन्दाजी मूल्य) – टप, टुकी, अन्दाजी ७/८ हजार
अन्य – खोरिया, खरबारी, एक हल गोरु, सोलार बत्ति, बाकस, दराज, पुस्तक अन्दाजी १५/२० हजार

१८. नाम – जनार्दन शर्मा (वर्तमान ऊर्जा राज्यमन्त्री)

टेक नाम – प्रभाकर
नगद – छैन
घर घँडेरी- (अन्दाजी मूल्यसहित) – ७ लाख वरीपरी
जग्गा (अन्दाजी मूल्यसहित) – १० लाख वरीपरी
सामान र लजिष्टिकहरुको अन्दाजी मूल्य – १ लाख जति
सुन चाँदी र गहनाको (अन्दाजी मूल्य) – ४/५ हजार

१९ नाम – कुल प्रसाद केसी

टेक नाम – सोनाम
नगद – छैन
घर घँडेरी- (अन्दाजी मूल्यसहित) – छैन
जग्गा (अन्दाजी मूल्यसहित) – दाजुभाउजुसँग संगोलमा अन्दाजी २ लाखको जग्गा, मेरो अंश गर्दा ७० हजार जतिको ।
सामान र लजिष्टिकहरुको अन्दाजी मूल्य – अहिले घरमा दाजुभाउजुको गाई-भैंसी, लत्ता-कपडा गर्दा ३०/४० हजारको होला ।
सुन चाँदी र गहनाको (अन्दाजी मूल्य) – छैन

२० नाम – चक्रपाणी खनाल

टेक नाम – बलदेव
नगद – छैन
घर घँडेरी- (अन्दाजी मूल्यसहित) – बुटवल रुपन्देहीमा १६ धुर -करिब ५ लाख)
जग्गा (अन्दाजी मूल्यसहित) –
सामान र लजिष्टिकहरुको अन्दाजी मूल्य – छुट्टी भिन्न हुँदा भाँडा कुँडा केही नलिएको
सुन चाँदी र गहनाको (अन्दाजी मूल्य) – श्रीमतीको कानका टप अन्दाजी मूल्य १२ सय

२१ नाम – शक्ति बस्नेत

टेक नाम – सुरेशसिंह
नगद – छैन
घर घँडेरी- (अन्दाजी मूल्यसहित) – ८० हजार
जग्गा (अन्दाजी मूल्यसहित) – २ रोपनी -एक लाख)
सामान र लजिष्टिकहरुको अन्दाजी मूल्य – छैन
सुन चाँदी र गहनाको (अन्दाजी मूल्य) – ५ हजार

२२ नाम – मातृका प्रसाद यादव

टेक नाम – रामसिंह
नगद – छैन
घर घँडेरी- (अन्दाजी मूल्यसहित) – छ तर मुल्याङ्कन गर्न बाँकी, करिब २ लाख
जग्गा (अन्दाजी मूल्यसहित) – छैन
सामान र लजिष्टिकहरुको अन्दाजी मूल्य – ३ लाख लगभग
सुन चाँदी र गहनाको (अन्दाजी मूल्य) – सुन केही, चाँदी केही

२३ नाम – हेमन्तप्रकाश ओली

टेक नाम – सुदर्शन
नगद – छैन
घर घँडेरी- (अन्दाजी मूल्यसहित) – एउटा घर र दुईवटा गोठ -२ लाख रुपियाँ अन्दाजी)
जग्गा (अन्दाजी मूल्यसहित) – ४१ रोपनी सिममात्र -करिब १५ लाख)
सामान र लजिष्टिकहरुको अन्दाजी मूल्य – भाँडा कुँडा, ओढ्ने ओछ्याउने र लुगासहित १० हजार)
सुन चाँदी र गहनाको (अन्दाजी मूल्य) – करिब ५ हजार

२४ नाम – देवेन्द्र पौडेल

टेक नाम – सुनिल
नगद – छैन
घर घँडेरी- (अन्दाजी मूल्यसहित) – छैन
जग्गा (अन्दाजी मूल्यसहित) – सगोल परिवारसहितको अन्दाजी ५ लाख पर्ने, छुट्टी भिन्न नभएको
सामान र लजिष्टिकहरुको अन्दाजी मूल्य – पार्टी कार्यको लागि बाहेक अन्य सामान छैन ।
सुन चाँदी र गहनाको (अन्दाजी मूल्य) – छैन

२५ नाम – नारायण प्रसाद शर्मा पौड्याल

टेक नाम – कमलप्रसाद
नगद – ३ लाख रुपियाँ अन्दाजी -घँडेरी वित्रि-बाट)
घर घँडेरी- (अन्दाजी मूल्यसहित) – २ लाख
जग्गा (अन्दाजी मूल्यसहित) – १८ लाख
सामान र लजिष्टिकहरुको अन्दाजी मूल्य – ३० हजार
सुन चाँदी र गहनाको (अन्दाजी मूल्य) – २० हजार

२६ नाम – लोकेन्द्र विष्ट मगर

टेक नाम – अभ्यास
नगद – छैन
घर घँडेरी- (अन्दाजी मूल्यसहित) – छैन
जग्गा (अन्दाजी मूल्यसहित) – छैन
सामान र लजिष्टिकहरुको अन्दाजी मूल्य – ३ हजार रुपियाँ जति
सुन चाँदी र गहनाको (अन्दाजी मूल्य) –

२७ नाम – हितराज पाण्डे (वर्तमान सङ्घीय मामिला तथा स्थानीय विकास मन्त्री)

टेक नाम – उत्तम
नगद – छैन
घर घँडेरी- (अन्दाजी मूल्यसहित) – १ रोपनी जग्गामा बनेको घर, करिब २ लाख पर्ने
जग्गा (अन्दाजी मूल्यसहित) – २ रोपनी ६ आना खेत र करिब १० रोपनी पाखा जग्गा, करिब २ लाख रुपियाँ पर्नेर् ।
सामान र लजिष्टिकहरुको अन्दाजी मूल्य – करिब ६० हजार
सुन चाँदी र गहनाको (अन्दाजी मूल्य) – रु १ लाख ४ हजार
अन्य – २०६० सालमा चितवनको घँडेरी बेचेर आएको नगद रु २ लाख १० हजार त्यतिखेर नै कमाण्ड कार्यालय माप-र्त पार्टीमा बुझाइएको ।

२८ नाम – पम्फा भुषाल

टेक नाम – विध्युत
नगद – छैन
घर घँडेरी- (अन्दाजी मूल्यसहित) – एउटा काठमाडौंमा घर, मैले पाउने करिब १० लाख, अखामा एउटा घँडेरीबाट करिब १ लाख मैले पाउने ।
जग्गा (अन्दाजी मूल्यसहित) – १० लाख मध्धेबाट मैले पाउने करिब २ लाख
सामान र लजिष्टिकहरुको अन्दाजी मूल्य – करिब २५ हजार बराबर -परिवारको बाहेक)
सुन चाँदी र गहनाको (अन्दाजी मूल्य) – २.५ तोला -करिब ४० हजार)

२९ नाम – हिसिला यमी

टेक नाम – राहुल
नगद – रू.१२ हजार मात्र (मेरो खातामा) । साथै काठमाण्डौंको घर बेचेको र छोरीको अंश समेत रहेको करिब रू.१० लाख ।
घर घँडेरी- (अन्दाजी मूल्यसहित) –
जग्गा (अन्दाजी मूल्यसहित) – छैन ।
सामान र लजिष्टिकहरुको अन्दाजी मूल्य – पार्टीकै साधन श्रोत प्रयोग गरिएको ।
सुन चाँदी र गहनाको (अन्दाजी मूल्य) – करिब ३ ग्रामको सुनको टप मैले लगाएको छु, छोरीको छैन ।

३० नाम – गोपाल किराँती

टेक नाम – साइला
नगद – छैन
घर घँडेरी- (अन्दाजी मूल्यसहित) – छैन
जग्गा (अन्दाजी मूल्यसहित) – छैन
सामान र लजिष्टिकहरुको अन्दाजी मूल्य – मोबाइल, घडी, कपडा, झोला रु १२ हजार
सुन चाँदी र गहनाको (अन्दाजी मूल्य) – छैन
अन्य – सन् १९९८ मा ६० हजार बराबरको घर जग्गा पार्टीमा बुझाइएको छ ।

३१ नाम – धर्मेन्द्र बाँस्तोला

टेक नाम – कञ्चन शर्मा
नगद – छैन
घर घँडेरी- (अन्दाजी मूल्यसहित) – छैन
जग्गा (अन्दाजी मूल्यसहित) – कैलाली टिकापुरमा ५ कठ्ठा, भाइको जमीन मेरो नाममा भएको, मुल्य अन्दाजी १ लाख, विद्ययपुर ३ सुर्खेतमा ९ रोपनी, पार्टीको र परिवारको नाममा रहेको । मुल्य अन्दाजी १ लाख
सामान र लजिष्टिकहरुको अन्दाजी मूल्य – छैन
सुन चाँदी र गहनाको (अन्दाजी मूल्य) – छैन
नोट – व्यत्ति-गत सम्पत्तिमा श्रीमतीले आफुसँग रहेको २५ हजार र गहना आफु पूर्णकालिन हुँदा जिल्ला पार्टी सुर्खेतलाई बुझाएको ।

३२ नाम – खड्ग ब. विश्वकर्मा

टेक नाम – प्रकाण्ड
नगद – छैन
घर घँडेरी- (अन्दाजी मूल्यसहित) – दुबै घर शाही सेनाले जलाएको, घँडेरीको मूल्य ३० हजार अन्दाजी
जग्गा (अन्दाजी मूल्यसहित) – १ लाख ५० हजार
सामान र लजिष्टिकहरुको अन्दाजी मूल्य – घर जल्ने बेलामा जलेको
सुन चाँदी र गहनाको (अन्दाजी मूल्य) – छैन

३३ नाम – राम कार्की (वर्तमान सूचना तथा सञ्चार मन्त्री)

टेक नाम – पार्थ क्षेत्री
नगद – ५० हजार
घर घँडेरी- (अन्दाजी मूल्यसहित) – २० लाख
जग्गा (अन्दाजी मूल्यसहित) – १६ लाख
सामान र लजिष्टिकहरुको अन्दाजी मूल्य – १ लाख ५० हजार
सुन चाँदी र गहनाको (अन्दाजी मूल्य) – २० हजार

३४ नाम – इन्द्रमोहन सिग्देल

टेक नाम – वसन्त
नगद – करिब १० हजार
घर घँडेरी- (अन्दाजी मूल्यसहित) – अर्ध पक्की घर, अन्दाजी ५० हजार
जग्गा (अन्दाजी मूल्यसहित) – खेत ५ रोपनी, पाखो ७ रोपनी, पहाडमा अन्दाजी मुल्य रु १ लाख ५० हजार
सामान र लजिष्टिकहरुको अन्दाजी मूल्य – कपडा, भाँडाकुँडा अन्दाजी २० हजार
सुन चाँदी र गहनाको (अन्दाजी मूल्य) – श्रीमती र छोरीको नाक, कानमा लगाएको करिब १ तोला, अन्दाजी मुल्य रु १५ हजार

३५ नाम – लेखराज भट्ट

टेक नाम – राकेश
नगद – छैन
घर घँडेरी- (अन्दाजी मूल्यसहित) – १ रोपनी ३ आना
जग्गा (अन्दाजी मूल्यसहित) – २०/२५ लाख
सामान र लजिष्टिकहरुको अन्दाजी मूल्य

– १ लाख
सुन चाँदी र गहनाको (अन्दाजी मूल्य) – छैन

facebookuser

हिलारी क्लिन्टन पराजित हुनुको कारण

भर्खरै मात्र सकिएको अमेरिकी निर्वाचनको वहष अझै सेलाएको छैन । रिपब्लिकन पार्टीका उमेद्वार डोनाल्ड ट्रम्पको अप्रत्यासित विजय र उक्त परिणाममा अमेरिकी जनताको अस्वीकार्यताले पनि यस विषयलाई अझै राप प्रदान गरेको छ । त्यसो त प्रतिद्धन्द्धी हिलारी क्लिन्टनका बारेमा आएका समाचारले पनि अमेरिकी निर्वाचन अझै तातो वहषको विषय बनेको हो ।
कहिले राष्ट्रपति पदमा निर्वाचित भए पछि डाँको छोडेर रोएकको खबर होस या कहिले हारको पीडा लुकाएरै भए पनि युवा वर्गलाई प्रोत्साहन कगर्ने विषय होस, हारका बाबजुद हिलारी चर्चाबाट ओझेलमा छैनन ।
त्यस्तै उनले आफ्नो हारको कारण प्रष्टयाउँदै अभिब्यक्ती दिएकी छिन । जसले उनलाई चर्चा र विवादको घेरामा उभ्याएको छ ।

हारको कारण

हिलारीले आफु पराजित हुनुमा फेडेरल इन्भेष्टिगेसन ब्यूरोका प्रमुख जेम्स कमिका कारण आफुले निर्वाचन हारेको बताएकी छिन ।

हिलारीले भनेकी छिन , ‘निर्वाचनको पूर्वसन्धामा एफबिआइले मेरो इमेल काण्डलाई पुनः अनुसन्धान सुरु गर्ने बताए पछि मैले हार बेहोर्नु परेको हो ।’
शनिबार आर्थिक सहयोग जुटाउनेहरुलाई सम्बोधन गर्दै हिलारीले एफबिआई प्रमुख कमिलाई सो आरोप लगाएकी हुन।
हिलारीको भनाईलाई उद्घृत गर्दै अन्तार्रष्ट्रिय संचारसंस्थाहरुले भनेका छन , ‘चुनाव हार्नुका अरु पनि कारण होलान्, तर मुख्य कारण एफबिआई प्रमुखको आधारहीन र तथ्यहीन इमेल अनुशन्धान नै हो, जुन हाम्रो चुनावी अभियानलाई अवरोध गर्नका लागि मात्रै थियो भन्ने प्रमाणित भएको छ ।’

एफबिआईले नोभेम्बर ६ मा हिलारीको केही इमेल अझै अनुसन्धान गर्नु पर्ने भएको भन्दै पत्र लेखेको थियो र निर्वाचनको तीन दिन अघि हिलारी निर्दोस रहेको भन्दै फेरी दोस्रो पत्र पठाएको थियो ।

साभार फेसबुक युजर

Monday, November 7, 2016

AFC Solidarity Cup Malaysia 2016 मा आज नेपाल ब्रुनाइ संग भिडदै

एएफसी सोलिडारिटी कप फुटबल अन्तर्गत नेपालले समूहको दोस्रो तथा अन्तिम खेलमा ब्रुनाईसँग प्रतिस्पर्धा गर्दैछ। नेपालले आज साँझ सवा ५ बजे मलेसियाको कुचिङस्थित सारावाक स्टेट रंगशालामा ब्रुनाइसँग खेल्न लागेको छ ।

पहिलो खेलमा पूर्वी टिमोरसँग गोलरहित बराबरी खेलेको नेपालले सेमिफाइनलमा पुग्नका लागि कम्तिमा बराबरीको नतिजा निकाल्नुपर्नेछ। नेपाल रहेको समूह ‘ए’ मा ब्रुनाइ यसअघि नै सेमिफाइनलमा पुगिसकेको छ।

जित हात पार्न सकेमा नेपाल समूह बिजेता बन्दै सेमिफाइनलमा पुग्नेछ। प्रशिक्षक ग्योतोकु कोजीले मुख्य उद्देश्य भनेको आफ्नै प्रदर्शनमा सुधार ल्याएर पहिलो खेलको तुलनामा राम्रो खेल्ने बताएका छन ।

Saturday, November 5, 2016

‘अंगीकृतलाई राष्ट्राध्यक्ष दिन सत्तापक्ष तयार’

भारतीय राष्ट्रपति प्रवण मुखर्जीे तीन दिने नेपाल भ्रमण पूरा गरेर फर्किएलगत्तै आन्तरिक राजनीतिका समाचारले पत्रपत्रिकामा मुख्य स्थान पाउन थालेका छन ।
आज समीक्षित पत्रपत्रिकामा छापिएका समाचार मध्ये सबै भन्दा पहिले अन्नपूर्ण पोस्टको मुख्य समाचारले धेरैको ध्यानाकर्षण गर्छ । ‘अंगीकृतलाई राष्ट्राध्यक्ष दिन सत्तापक्ष तयार’ भन्ने शीर्षकमा चिरञ्जीवी ढुंगानाले समाचार लेखेको र पोष्टमा चार कोलममा महत्वका साथ प्रकाशित समाचारमा सत्ता गठबन्धनका प्रमुख घटक नेकपा (माओवादी) केन्द्र र नेपाली कांग्रेस अंगीकृत नागरिकलाई प्रमुख संवैधानिक पद दिन तयार भएको पत्रसहित मधेसी मोर्चालाई सहमतिमा ल्याउने प्रयासमा छ । यस बारेमा शुक्रबार राति सरकारले मोर्चालाई पत्र पठाइसकेको छ ।
यस समाचारमा नेकपा (एमाले)को आधिकारिक धारणा नआए पनि प्रधानमन्त्री पुष्पकमल दाहालले एमाले अध्यक्ष केपी शर्मा ओली, नेता माधवकुमार नेपाललगायतका केही नेतासँग अनौपचारिक परामर्शपछि मोर्चालाई पत्र पठाएको बुझिएको छ ।
नागरिक दैनिकले भने यसैसँग सम्बन्धित समाचारलाई संविधान संशोधन विधेयकमा सरकार र मधेसी मोर्चाका नेता सहमति नजिक पुगेको लेखेको छ । समाचारमा जनाइएअनुसार विवादित विषयमध्ये नागरिकता र भाषाको विषयमा सरकार र मधेसी मोर्चा सहमतिनजिक पुगेका छन् । नागरिक दैनिकमा भुवन शर्माले लेखेको समाचारमा मोर्चाका नेताले विवादित जिल्लाको सिमाना टुंगो लगाउन आयोग बनाएर जिम्मा दिन आफूहरू तयार भएको बताएका छन् ।
आजको कान्तिपुर दैनिकले सिरिया पुर्याइएका नेपाली युवतीले पाएको दुःखका बारेमा समाचार लेखेका छन् । कान्तिपुरको आठ कोलममा छापिएको समाचार देवेन्द्र भट्टराईले जाहेल (सिरिया बोर्डर) पुगेर लेखेका हुन् । समाचारमा जनाइएअनुसार सिरियामा अहिले पनि नेपाली युवती लगिन्छ । दैनिक २÷४ जना दुबई, दिल्ली वा लेवनानको बाटो भएर सिरिया पुग्ने गरेका छन् । त्यहाँ पुगेका करिब एक हजार जना अहिले समस्याग्रस्त अवस्थामा रहेको समाचारमा जनाइएको छ ।
मर्यादाक्रमप्रति कांग्रेस नेताको असन्तुष्टि
आजको नयाँ पत्रिका दैनिकले पार्टीको मर्यादाक्रमप्रति कांग्रेस नेताहरूको असन्तुष्टि शीर्षकमा समाचार लेखेको छ ।
रमेश सापकोटाले लेखेको समाचारमा कांग्रेसका पाँच नेताले मर्यादाक्रम नमिलेको भन्दै १३ औं महाधिवेशनपछि बसेका चारवटै केन्द्रीय समितिको बैठकमा हस्ताक्षर नगरेको समाचारमा उल्लेख छ । गोपालमान श्रेष्ठ, कुलबहादुर गुरुङ, अर्जुन नरसिंह केसी, रामशरण महत र रमेश लेखकले मर्यादाक्रम नमिलेको भन्दै हस्ताक्षर नगरेको समाचारमा उल्लेख छ ।
उपत्यका लोडसेडिङमुक्त हुने
सरकारले काठमाडौं उपत्यकाका तीन जिल्लालाई लोडसेडिङमुक्त जिल्ला घोषणा गर्ने तयारी गरेको छ ।
यो समाचारलाई आजको गोरखापत्र दैनिकले प्रमुख समाचार बनाएको छ । नेपाल विद्युत् प्राधिकरणका कार्यकारी निर्देशक कुलमान घिसिङले उपत्यकालाई लोडसेडिङमुक्त गर्ने तयारी गरिरहेको बताएका छन् ।
मेडिकल कलेजमा विद्यार्थी कोटा निर्धारण
आजका पत्रपत्रिकाले नेपाल मेडिकल काउन्सिलको पाँच महिनापछि बसेको पूर्ण बैठकले चिकित्सा शिक्षासम्बन्धी माथेमा कार्यदलको प्रतिवेदनअनुसार मेडिकल र डेन्टल कलेजहरूको सिट निर्धारण गरेको छ । यो समाचारलाई आजको नागरिक दैनिकमा दीपक दाहालले लेखेका छन् । समाचारअनुसार अख्तियार दुरुपयोग अनुसन्धान आयोगको हस्तक्षेपका कारण काउन्सिलको बैठक पाँच महिनादेखि बस्न सकेको थिएन । काउन्सिलको बिहीबार र शुक्रबार बसेको बैठकले हाल सञ्चालनमा रहेका मेडिकल कलेज र डेन्टलका २१ कलेजमध्ये मेडिकलमा अधिकतम १ सय १५ र डेन्टलमा अधिकतम ५० सिट तोकिएको छ ।
यो निर्णयपछि चिकित्साशास्त्र अध्ययन संस्थानले तोकेको सिट संख्या घटेको छ ।
प्रधानमन्त्रीसहित मन्त्रीहरुको सम्पत्ति विवरण सार्वजनिक भएन
आजको कान्तिपुर र नागरिक दैनिकले प्रधानमन्त्रीसहित मन्त्रीहरूको विवरण सार्वजनिक नगरेको समाचार लेखेका छन् । प्रधानमन्त्री र मन्त्रीहरूले नियुक्त भएको १५ दिनभित्र सम्पत्ति विवरण सार्वजनिक गर्ने परम्परा भए पनि अहिलेसम्म नगरेको समाचार कान्तिपुर दैनिकमा बालकृष्ण बस्नेत र नागरिक दैनिकमा भाषा शर्माले लेखेका छन् । सम्पत्ति विवरण प्रधानमन्त्री तथा मन्त्रिपरिषद् कार्यालयको वेबसाइटमा राखेर सार्वजनिक गर्ने परम्परा रहे पनि अहिलेसम्म गरिएको छैन ।
सुजातालाई स्तन क्यान्सर
आजका पत्रपत्रिकाले नेपाली कांग्रेसकी नेतृ सुजाता कोइरालालाई स्तन क्यान्सर भएको समाचार पनि प्रकाशित गरेका छन् । स्तन क्यान्सरको आशंकामा मलेसियामा शल्यक्रिया पनि भइसकेकाले अहिले उनले उपचार खर्च भन्दै एक करोड माग गरेको समाचारमा उल्लेख गरिएको छ ।
सम्पादकीय
‘छिमेकीको चासो’ आजको नागरिक दैनिकको सम्पादकीय शीर्षक रहेको छ । सम्पादकीयमा नागरिक दैनिक लेख्छ – जटिल प्रश्न यहाँनेर उठ्छ, छिमेकी देशका आलंकारिक राष्ट्रपतिले हाम्रो आन्तरिक मामिलामा कुरा मिलाइदिन भूमिका खेल्न सक्लान् ? किन हामी अझै पनि आफैँ आफ्नो घरको समस्या सुल्झाउन सक्दैनौ ? सरकारसँग वार्ताको सन्दर्भ समाप्त भइसकेको छ र ? झगडा गर्न सक्ने हामीलाई मिलाइदिन कोही अरू किन आउनुपर्ने ? यी प्रश्नहरुको उत्तर आफूभित्र नखोजेसम्म हाम्रो राजनीतिले संक्रमणबाट मुक्ति पाउने छैन ।
अन्नपूर्ण पोष्टले जनतालाई समग्र प्रक्रियामा सहभागी नबनाई संविधान संशोधन गर्दा त्यसले समय र संविधानको गहनतामा आघात पु्ुर्याउने उल्लेख गरेको छ ।
कान्तिपुर दैनिकले ‘निराशाजनक तीन महिना’ शीर्षकमा सम्पादकीय लेखेर सरकारको मूल्यांकन गरेको छ । सम्पादकीयमा लेखिएको छ – समग्रमा प्रधानमन्त्री दाहालको तीन महिने शासन आशाप्रद छैन । उनले पूर्वप्रतिवद्धता पूरा गर्न आफ्नो कार्यावधिका बाँकी महिनालाई त सदुपयोग गर्न सक्लान् तर यो कार्य हालकै सुस्त कार्यशैलीबाट सम्भव छैन ।’
राजधानी दैनिकले पनि दाहाल सरकारका तीन महिना शीर्षकमा सम्पादकीय लेखेको छ ।
सम्पादकीयमा भनिएको छ ‘भारत रिझाउने नाममा चीनप्रति बेवास्ता गरेको आरोप छ ।’

साभार

Friday, November 4, 2016

ए एफ सी सोलाडारिटी कप

राष्ट्रिय फुटबल टोलीलाई टिमोर लिस्टेविरुद्धको सुखद इतिहास दाहोर्‍उने मौका आएको छ । नेपालले आज शनिबार मलेसियाको कुचिङमा भइरहेको एएफसी सोलिडारिटी कपमा आफ्नो पहिलो खेल टिमोर लिस्टेसँग खेल्दै छ ।

यसअघि सन् २०११ जून, २९ मा एसियाली विश्वकप छनोटको पहिलो चरणको पहिलो लेगमा नेपाल र टिमोर लिस्टे भिडेका थिए । सो खेलमा नेपालले दशरथ रंगशालामा टिमोर लिस्टेलाई २–१ ले हराएको थियो । जुलाई २ को दास्रो लेगमा नेपालको ५–० को अग्रता रह्यो । समग्रमा नेपालले त्यसबेला ७–१ को अग्रता लिएको थियो ।

नेपाली राष्ट्रिय फुटबल टोलीका प्रशिक्षक जापानी ग्योतोकु कोजीले सोलिडारिटी कपको आफ्नो पहिलो खेलका लागि तयार रहेको बताएका छन् ।

टिमोर लिष्टे आफ्नो पहिलो खेलमा बुनाइसँग ४–० गोल अन्तरले हारेपछि प्रतिक्रिया दिँदै कोजीले टिमोर लिष्टेको हारका बाबजुद उसलाई कमजोर नआँक्ने बताएका हुन् । बु्रनाइ र टिमोर लिष्टेबीचको खेलको नतिजाले प्रतिद्वन्दीलाई हेर्ने दृष्टिकोणमा कुनै परिवर्तन नआएको कोजीको भनाई थियो ।

टिमोर लिष्टेसँग शनिबार हुने खेलको रणनीति मौसम र मैदानको अवस्थाबाट तय गरिने कोजीले बताए । कप्तान अनिल गुरुङले टिमोर लिष्टेको पहिलो खेल हेरेर उसले आफ्नो प्रदर्शन धेरै सुधारेको पाएको बताए । भिजेको मैदानमा खेल्ने अनुभव आफ्नो टोलीसँग रहेकाले पानी परेपनि फरक नपर्ने गुरुङको भनाइ छ ।

अहिले कुचिङमा लगातार पानी पर्ने भइरहेको छ । नेपाली टिम जुन दिन त्यस सहरमा उत्रेको थियो, वर्षा प्रतियोगिताका लागि निर्दयी सावित भयो । ब्रुनाई र टिमोर लेस्टबीचको खेल पनि पानीले भरिएको मैदानमा भएको थियो । त्यसैले सायद टिमोर लेस्टेले आफ्नो स्वाभाविक खेल दर्शन गर्न सकेको थिएन होला । प्रशिक्षक कोजीलाई लागेको एउटै डर यही हो । टिमोर लेस्टेविरुद्ध नेपालको खेल नेपाली समय अनुसार ५:१४ मा शुरु हुनेछ ।

साभार